Әдістемелік жұмыстар - СШ №23

Жас мамандарға тәлімгерлік көмек білім сапасын арттырудың кепілі" тақырыбында семинар

admin — Thu, 12 Nov 2020 22:58:10 +0600

Бүгінгі жас маман-ертеңгі ұлағатты ұстаздардың орнын басатын, олардан үлгі алатын, шәкірттердің сүйікті ұстазына айналатын тұлға. Сондықтан жас маманның теориялық білім, білігін практикамен ұштастырып, кәсіби шеберлігін шыңдауға ықпал ету мақсатында "Жас мамандарға тәлімгерлік көмек білім сапасын арттырудың кепілі" тақырыбында семинар өткізілді. Семинарда бастауыш сынып мұғалімі Сидорова Марина Владимировна сабақ барысында білім сапасын арттыруда қолданылатын әдіс-тәсілдермен бөлісіп, тәлімгерлік көмек көрсетті.

"Тәуелсіз мемлекетіміздің болашағын қалап жатқан жас маман. Өйткені, ел болашағының кілті-бүгінгі жас ұрпақтың қолында".

admin — Wed, 11 Nov 2020 22:51:58 +0600

"Тәуелсіз мемлекетіміздің болашағын қалап жатқан жас маман. Өйткені, ел болашағының кілті-бүгінгі жас ұрпақтың қолында". Осы орайда жас мамандарға көмек көрсету және ұжымда психологиялық ахуал қалыптастыру, кәсіби құлшынысын арттыру мақсатында №23 орта мектеп психологтары Д.И.Жумадилова, Г.Ү.Ботаева психологиялық кеңес өткізді. Кеңес соңында мектеп директоры А.А.Рысбаева жас мамандарға жұмыстарына сәттілік, шығармашылық табыс тіледі.

Қашықтықтан оқыту платформаларын оқу үрдісіне қолдану арқылы кері байланыс беру

admin — Wed, 11 Nov 2020 22:08:58 +0600

Қазіргі уақытта еліміздегі эпидемиологиялық ахуалға қарай болашақ ұрпақтың оқып білім алуы қашықтықтан оқыту технологиясы арқылы жүзеге асырылуда. Қашықтықтан оқыту жүйесінің рөлі қазіргі таңда білім саласы үшін өте жоғары деңгейде. 11 қараша күні "Қашықтықтан оқыту платформаларын оқу үрдісіне қолдану арқылы кері байланыс беру" тақырыбында жас мамандарға семинар өткізілді. Семинарда химия пәнінің мұғалімі, педагог-зерттеуші, тәлімгер ұстаз Бегалиева Гулнар Даниярбекқызы өз іс-тәжірбиесімен бөлісті. Өз шәкірттеріне сапалы нәтижелі білім беруді мақсат еткен жас мамандарға өз тәжірибесін жаңашылдық арнасына бағыттап, әр әдісін тиімді қолдануға кеңес берді.

№23 орта мектеп бойынша ата-аналарға бюджеттен бөлінген қаржы қаражатының жұмсалуы жөнінде есеп беру жиналысының хаттамасы

admin — Thu, 08 Oct 2020 13:52:20 +0600

Бастауыш сынып пән мұғалімдері "Бастауыш сынып оқушыларының танымдық қабілетін ақпараттық технологиялар арқылы дамыту" тақырыбына қалалық семинар өтті

admin — Tue, 25 Feb 2020 11:36:33 +0600

Бастауыш сынып пән мұғалімдері "Бастауыш сынып оқушыларының танымдық қабілетін ақпараттық технологиялар арқылы дамыту" тақырыбына қалалық семинар өтті. Семинар Абай Құнанбайұлының 175 жылдығына орай "Ұлылырдың ұлысы- Абай" тақырыбында іс-шарамен аяқталды.

Ауған соғыс ардагерлеріне арналған кеш

admin — Fri, 14 Feb 2020 14:20:15 +0600

Ауғанстан жеріндегі соғыс тарих беттерінде өзіндік із қалдырды.

Ауған соғысы ардагерлеріне тағзым етіп, құрметтеу мақсатында №23 орта мектебінде "Ұрпаққа ұлгі болған ерлік" атты кездесу өтті. Кездесуге ауған соғысы ардагер Сыздықов Бақтияр Қабденұлы қонақ ретінде шақырылды. Кеште 10 сынып оқушыларының орындауында сахналық көрініс қойылып, патриоттық әндер шырқалды. Ауған соғысы ардагеріне түрлі сұрақтар қойылып, Сыздықов Бақтияр Қабденұлы өзінің басынан кешкен оқиғасын айтып, оқушыларға үлгілі ой тастады.

Мұқағали Мақатаевтың туған күніне орай қазақ тілі мен әдебиеті әдістеме пән бірлестігі мұғалімдерінің ұйымдастыруымен "...Қасиетіңнен қара өлең айналайын"атты 2-8- сынып оқушылары арасында мектепішілік мәнерлеп оқу байқау

admin — Wed, 12 Feb 2020 11:41:48 +0600

23 орта мектебінде 12.02.2020 күні қазақтың ақиық ақыны ,шынайы поэзия өкілі Мұқағали Мақатаевтың туған күніне орай қазақ тілі мен әдебиеті әдістеме пән бірлестігі мұғалімдерінің ұйымдастыруымен "...Қасиетіңнен қара өлең айналайын"атты 2-8- сынып оқушылары арасында мектепішілік мәнерлеп оқу байқауы өтті. Байқаудың мақсаты оқушылардың арасында ақын шығармашылығын насихаттау,поэзияға деген құштарлығын арттыру,дарынды балаларды анықтау.
Оқушылар ақын өлеңдерін тебірене оқып,өзара жарысқа түсті.
Байқау соңында мектеп директоры А.А.Рысбаева өлең өлкесінде өзіндік үнімен дараланған ақын туындыларының ерекшелігіне тоқтала келіп,белсене қатысқандарға ризашылығын білдірді,жеңімпаз оқушыларды марапаттады.

Абайдың 175 жылдығына арналған әдеби музыкалық кеш

admin — Thu, 06 Feb 2020 17:26:02 +0600

Жамбыл -"Өрлеу" біліктілікті арттыру институты және Тараз қаласы №23 орта мектебінің бірлесіп ұйымдастырумен "Дархан халықтың дана Абайы" әдеби-сазды кеші өтті. Ұлы ақын, ағартушы, философ, композитор, аудармашы, жазба әдебиеті мен қазақ әдебиеті тілінің негізін салушы-Абай Құнанбайұлының мерейтойын бүкіл әлем тойлауда. Кешті Жамбыл №23 орта мектебінің директоры Ардақ Рысбаева Абайдың нақыл сөздерімен ашты. Абайдың қара сөздері, күйлері, әндері мен өлеңдері өшпес мұра! Іс-шарада мектептің жас мамандары ұлы ақынның шығармашылығына жіті тоқталып, өнерлерін паш етті. Осы орайда, ДОТІЖО Санигүл Жаңабаева жыл басында жариялаған "Кітапханаға 175 кітап" акциясын қорытындылап, жеңімпаздарға мектеп және институт тарапынан сыйлықтар берілді.

Математика және физика пән бірлестігінің онкүндігі

admin — Tue, 28 Jan 2020 09:58:18 +0600

Онкүндіктің ашылуы мектептің мәжіліс залында болды, мұнда онкүндіктің жоспарымен және өтілетін іс–шаралармен таныстырылды. Жоспарға сай бекітілген іс-шаралар өз деңгейінде уақтылы өтілді. Іс-шараларға ұстаздармен, оқушылар белсене атсалысты. Топпен жұмыс,жұптық жұмыс, жеке оқушымен жасалды.Сабақтар өз деңгейінде өтті. Сабақ өту барысында пән мұғалімдер ақпараттық - коммуникативтік технологиялардың құзыреттілігін қалыптастыру, жаңартылған оқу мазмұны технологиясын, деңгейлеп оқыту технологиясын пайдаланып ,жаңа технологияның тиімді тәсілдерін сабақ барысында көрсете білді. Сыныптан тыс іс- шара «Қызықты математика әлемі» 5 «в» сынып математика Қаршыбекова Айгүл Бейсенбековна ІІ –санатты мұғалім,сарапшы.

Абай Құнанбайұлының 175 жылдығына арналған әдеби музыкалық кеш

admin — Fri, 13 Dec 2019 13:17:14 +0600

Биыл ұлы ақын, композитор, философ, саясаткер, ағартушы Абай Құнанбайұлының 175 жылдығын тойлауға арналған республикалық шаралар басталды.Осындай ұлы ақынның тойы Тараз қаласы №23 орта мектебінде де өз жалғасын тапты. Бүгін 13 желтоқсан күні. "Абай- дана, Абай дара қазақта" атты әдеби музыкалық кеш өтті. Кеште оқушылар ұлы ақынның өлеңдері мен қара сөздерін жатқа, мәнерлеп айту шеберліктерін көрсетті. Сонымен қатар, Абай образдарын сахнада шебер сомдады.