“Ой шебері”

20 март күні мектебіміздің оқушылары, “Ой шебері” зияткерлік ойындарының финалистері 9а сынып оқушысы 

И.Ноканова, 9ә сынып оқушысы А.Мүсірәлі, 8а сынып оқушылары 

А.Каймекина мен А.Турлыбаева және жетекшілері қазақ тілі мен әдебиеті пәні мұғалімі С.Ә.Құрманбек Жамбыл облысының әкімі Ербол Қарашөкеевпен кездесті.

  Ұлттық нақышта киініп, жүздері бал-бұл жайнаған оқушыларымызды облыс әкімі аппараты басшысының орынбасары Жанболат Нұрмолдаұлы жылы шырайда қарсы алып, ол өңірдің бас ғимараты туралы қызықты деректерімен бөлісіп,оқушыларға экскурсия жүргізді.  

  Өз кезегінде Ербол Қарашөкеев кітап оқуға құштар, нағыз білімді әрі талапты оқушылармен кездесіп, сәттілік тіледі.

Талантты жастарымыз да облыс басшылығына деген ризашылығын жеткізіп, бұл кездесу оларға шабыт беріп, ынталандыра түсетінін айтып, әсерлерімен бөлісті.

  Кітап сүйер жасөспірімдерге облыс әкімінің Алғыс хаты мен М. Әуезовтің «Абай жолы» романы тарту етілді. 

   Кездесу соңында дарынды оқушылар облыс әкімімен естелікке суретке түсіп, жігерленіп, тамаша көңіл-күйде тарқасты.