Ата-аналар жиналысы

АТА-АНАЛАР ЖИНАЛЫСЫ

Қыркүйек айының 26-күні "Бала қауіпсіздігі –қоғам  келешегі " тақырыбында  жалпы  мектептік  ата-аналар  жиналысы өткізілді. 

Жиналыстың күн тәртібінде қарастырылған мәселенің бастысы соңғы уақыттарда ғаламтор, әлеуметтік желілер арқылы баланың өміріне қауіп төндіретін түрлі ойындардың шығуы және ата-аналарға осы мәселені шешу жолдарын түсіндіріп, кеңестер беру болды.

 Сонымен қатар жиналыста балалардың қауіпсіздігін қамтамасыз ету, жеңіл табыс табу мақсатында түрлі тиым салынған заттарды тасымалдау, түнде ата-аналардың қарауынсыз үйден тыс жерлерде болу, топтық жан жалдасулар  мен қыздар тәрбиесіне баса назар аудару мәселелері қаралды.

Аталған мәселелер бойынша мектеп директоры  А.Ж Кенжебекова ,  мектеп директорының орынбасары Ж.Е Есеналиева, құқықтық тәрбие орынбасарының міндетін уақытша  атқарушы  Г.Н Бекназарова  баяндамалар жасап, ақпараттық-түсіндіру жұмыстарын жүргізді.

Мектеп психологы Д.И Жумадилова  ата-аналарға баланың бойындағы өзгерістерді  байқау мен олардың әлеуметтік желідегі парақшаларын қадағалау жөнінде кеңестер берді.